Kahani ke peeche ki kahani
ArthKatha ek simple gusse se paida hua: share market education ya toh boring thi, ya bikaau “tips” ka dhandha. Humne teesra raasta chuna — kahaniyan.
Avishek Saha
Main koi TV wala “market guru” nahi hoon. Main ek NISM-certified professional hoon jisne khud wahi galtiyan ki hain jo Montu course mein karta hai — bina samjhe invest karna, tip par bharosa karna, girte market mein ghabra jaana.
ArthKatha isliye banaya kyunki jab maine seekhna shuru kiya tha, tab koi aisi jagah nahi thi jahan koi bina bore kiye, bina dara ke, aur bina kuch bechne ke — sirf samjhaata. 40 episodes mein woh sab kuch hai jo main chahata tha ki koi mujhe pehle din samjha deta.
Humara ek hi kaam hai
Aapko itna samajhdaar banana ki aapko kabhi kisi “Tip Kumar” ki zaroorat na pade. Bas. Na hum demat account bechte hain, na advisory subscription, na ₹25,000 ka “advanced batch”. Do courses, do imaandaar daam — Beginner’s Guide ₹499, aur ArthKatha PRO (Technical Analysis & Trading) ₹1,499 launch price. Yehi poora business model hai, isliye humein aapko galat cheez bechne ki koi wajah hi nahi.
Hum kya NAHIN karenge
- Stock tips ya “pakka shot” — kabhi nahi
- “Guaranteed return” ke vaade
- Aapka number telecalling companies ko bechna
- Dar ya lalach ka marketing
- Sirf education — kahaniyon ke saath, Hinglish mein
Humein judge mat karo — Episode 1 khud dekho. Free hai, signup bhi nahi chahiye.